Prosiect Moelfre:
diweddariad
Rydym wedi bod yn gweithio gyda thrigolion Moelfre i ddysgu sut allwn ni leihau biliau, gwella gwytnwch busnesau a’r gymuned yn gyffredinol, a helpu’r pentref i ffynnu yn y dyfodol.
Helpu busnesau a thrigolion i wella sgôr eu Tystysgrif Perfformiad Ynni (EPC)
Cafodd yr ysgol, siop y pentref, y neuadd gymunedol, tai preswyl, a chaffi lleol oll eu harchwilio gan arbenigwyr cynaliadwyedd a nodwyd nifer o gamau newid ym mhob safle er mwyn gwella eu heffeithlonrwydd ynni a lleihau eu hallyriadau carbon.
Beth yw graddfeydd ynni?
Mae graddfeydd ynni yn y DU yn ffordd safonol o fesur effeithlonrwydd ynni cartrefi, offer ac adeiladau. Ar gyfer eiddo, defnyddir Energy Performance Certificates (EPCs), gyda graddfeydd yn amrywio o A (mwyaf effeithlon) i G (y lleiaf effeithlon).
Cyfrifir y graddfeydd hyn ar sail ffactorau fel inswleiddio, systemau gwresogi, a defnydd ynni. Mae gan eiddo gradd uwch filiau ynni is a llai o effaith amgylcheddol. Ar gyfer offer, mae labeli ynni hefyd yn defnyddio graddfa A-G, gydag ystyriaethau ychwanegol ar gyfer ffactorau fel defnydd dŵr mewn peiriannau golchi neu lefelau sŵn.
Sut all technoleg wneud gwahaniaeth
- Mae paneli solar yn lleihau costau ynni yn uniongyrchol, gan wrthbwyso’r defnydd o drydan drwy gyflenwi ynni am ddim yn ystod yr oriau busnes prysuraf. Mewn lle fel Moelfre ble mae twristiaeth ar ei anterth yn y dyddiau hir o olau dydd yn yr haf, mae’r ynni a gynhyrchir gan set o baneli solar yn gweddu’n berffaith ag anghenion ynni busnes yn y diwydiant hwnnw, felly mae’n faes gwych ar gyfer gwneud y gorau o’r dechnoleg.
- Mae thermostat HIVE yn thermostat clyfar a gynlluniwyd er mwyn helpu i gadw tai yn gynhesach neu’n oerach mewn modd mwy effeithlon. Mae modd ei reoli o bell – sy’n golygu y gallwch chi reoli eich gwres o unrhyw le. Mae modd i chi amserlennu eich gwresogi yn rhwydd, gan reoli pa ystafelloedd gaiff eu gwresogi a phryd hyd yn oed, gan leihau’r defnydd o ynni. Mae’n gallu gwresogi eich cartref yn awtomatig pan fyddwch chi yno a lleihau’r gwresogi pan fyddwch chi oddi cartref, mae’n gallu helpu i ofalu am eich bwyler yn yr hirdymor, er enhghraifft drwy osod negeseuon atgoffa awtomatig ynglŷn â chynnal a chadw neu helpu i roi gwybod i chi am beryglon pibellau wedi rhewi yn y gaeaf, ac mae modd monitro’r defnydd o ynni fel y gallwch chi leihau eich defnydd o ynni.
- Mae gan y peiriant golchi llestri trydan botensial i wneud gwahaniaeth enfawr i unrhyw fusnes. Cyfran fechan o'r dŵr a ddefnyddir i olchi llestri â llaw y maent yn ei defnyddio, a llawer llai o ynni, felly byddai arbedion ar unwaith ar filiau yn unig. Mae’r tymereddau uchel a ddefnyddir wrth olchi llestri mewn peiriant yn golygu bod hylendid yn llawer gwell na dulliau eraill hefyd. Bydd unrhyw un sydd wedi gweithio mewn caffi mewn cyfnodau prysur yn gwybod y gall y llestri bentyrru’n uchel ofnadwy ar benwythnosau gŵyl banc – mae peiriant golchi llestri awtomatig n golygu rhyddhau rhagor o ddwylo i wneud gwaith hanfodol arall ac i ddarparu ar gyfer cwsmeriaid, gan sicrhau gwell gwasanaeth.
Pŵeru Ynys Môn
a’i phobl
Mae ynni ar Ynys Môn yn fwy na harneisio ynni adnewyddadwy; mae’n golygu creu dyfodol cynaliadwy a ffyniannus i’n cymuned. Gyda’n gilydd, rydym yn gosod safon i weddill y byd ei ddilyn.
Laura
Ann’s Pantry
